भोखर (वृत्तपत्र) भोखर काँग्रेसचे शहराध्यक्ष तौसीफ रझिउद्दीन इनामदार यांना नऊ लाख रुपयांचा चेक बाऊन्स झाल्याप्रकरणी न्यायालयाने सहा महिने साधी कैद व दंडाची शिक्षा सुनावली आहे.
फिर्यादी सुनीता गंगावार सूर्यवंशी (रा. उमरी, जि. नांदेड) यांनी फिर्याद दिली होती. सुनीता गंगावार यांनी आरोपीवर विश्वास ठेवून त्याला नऊ लाख रुपये दिल्याचे कोर्टात सांगितले. त्या बदल्यात आरोपीने भारतीय स्टेट बँकेचा धनादेश दिला, मात्र 27 जुलै 2019 रोजी बँकेत जमा केल्यावर तो धनादेश अनादर झाला.
त्यानंतर तक्रारदाराने 29 जुलै 2019 रोजी कायदेशीर नोटीस पाठवली, जी 30 जुलै 2019 रोजी आरोपीला प्राप्त झाली. तथापि, आरोपीने निर्धारित रक्कम परत केली नाही, त्यावर 30 ऑगस्ट 2019 रोजी तक्रार दाखल करण्यात आली.
न्यायालयात सुनावणी झाल्यानंतर भोकर न्यायालयाने 30 ऑक्टोबर 2025 रोजी निकाल देत तसीफ रझिउद्दीन इनामदार (अध्यक्ष, काँग्रेस शहर भोकर) याला सहा महिने कारावास व दंडाची शिक्षा सुनावली.
या खटल्यात फिर्यादीच्यावतीने अधिवक्ता दीपक आजनेकर व अधिवक्ता कुतुकुल यांनी युक्तिवाद केला. भोकर न्यायालयाच्या या निकालाने काँग्रेस वर्तुळात खळबळ उडाली असून, या निकालावर शहरात संमिश्र प्रतिक्रिया उमटत आहेत.
