नांदेड : ४/नोव्हेंबर. (ताजी बातमी) प्रवाशांच्या सोयीच्या दृष्टीने दक्षिण मध्य रेल्वेने राजकोट ते मेहबूबनगर आणि मेहबूबनगर ते राजकोट दरम्यान साप्ताहिक विशेष गाड्या चालवण्याचा निर्णय घेतला आहे.
गाडी क्रमांक ०९५७५ राजकोट – महबूब नगर साप्ताहिक विशेष
ही ट्रेन 3 नोव्हेंबर 2025 ते 24 नोव्हेंबर 2025 दरम्यान चालवली जाईल.
ही ट्रेन राजकोटहून दर सोमवारी दुपारी 1:45 वाजता सुटेल आणि मंगळवारी रात्री 8:00 वाजता मेहबूबनगरला पोहोचेल.
गाडी क्रमांक ०९५७६ महबूबनगर – राजकोट साप्ताहिक विशेष
ही ट्रेन 4 नोव्हेंबर 2025 ते 25 नोव्हेंबर 2025 दरम्यान चालवली जाईल.
ही ट्रेन महबूबनगर येथून दर मंगळवारी रात्री 11:00 वाजता सुटेल आणि गुरुवारी पहाटे 5:00 वाजता राजकोटला पोहोचेल.
ही विशेष ट्रेन 20 डब्यांची ICF संरचनेची असेल, ज्यात वातानुकूलित डबे, स्लीपर आणि सामान्य डबे असतील.
अहमदाबाद, वडोदरा, सुरत, भुसावळ, अकोला, वाशीम, हिंगोली, बसमत, पूर्णा, नांदेड, निजामाबाद, काचीगुरा आणि जडचर्ला या महत्त्वाच्या स्थानकांवर ही गाडी थांबेल.
पश्चिम रेल्वे आणि दक्षिण मध्य रेल्वेदरम्यान प्रवाशांच्या सोयीसाठी ही विशेष सेवा उपयुक्त ठरणार आहे.
प्रवाशांनी या साप्ताहिक विशेष रेल्वे सुविधेचा लाभ घ्यावा आणि सुखद प्रवासाचा आनंद घ्यावा असे आवाहन करण्यात आले आहे.
