नांदेड, 15 डिसेंबर : जिल्हा प्रशासनातर्फे दरवर्षी 18 डिसेंबर रोजी अल्पसंख्याक हक्क दिन साजरा केला जातो. या संदर्भात गुरुवार, 18 डिसेंबर 2025 रोजी सकाळी 11 वाजता जिल्हाधिकारी कार्यालय, नांदेड येथे या कार्यक्रमाचे आयोजन करण्यात आले आहे. फिनिक्स एज्युकेशन कल्चरल सोसायटीचे अध्यक्ष डॉ.मुहम्मद जावेद इक्बाल, पत्रकार ऋषिकेश कोंडेकर यावेळी बोलणार आहेत. या कार्यक्रमात अल्पसंख्याक समाजातील नागरिकांनी सहभागी व्हावे, असे आवाहन जिल्हाधिकारी राहुल कुरडेले यांनी केले आहे.
संयुक्त राष्ट्र संघाने 18 डिसेंबर 1991 रोजी राष्ट्रीय, धार्मिक आणि भाषिक अल्पसंख्याकांच्या हक्कांबाबत घोषणापत्र स्वीकारले. त्यानुसार, राष्ट्रीय आयोगाने अल्पसंख्याक नागरिकांना त्यांची संस्कृती, भाषा, धर्म आणि परंपरा यांचे संरक्षण आणि संवर्धन करण्यासाठी प्रयत्न करण्याचे निर्देश दिले आहेत. या कारणास्तव जिल्हा प्रशासनाकडून दरवर्षी 18 डिसेंबर रोजी अल्पसंख्याक हक्क दिन साजरा केला जातो.
अल्पसंख्याक विकास मंत्रालय, मुंबई यांना 29 नोव्हेंबर 2025 च्या शासन निर्णयानुसार अल्पसंख्याक नागरिकांना त्यांच्या संवैधानिक आणि कायदेशीर अधिकारांबद्दल जागरुक करण्यासाठी विविध कार्यक्रम आयोजित करण्याच्या सूचना प्राप्त झाल्या आहेत. त्याच दिवशी अल्पसंख्याक समाजाला त्यांच्या घटनात्मक आणि कायदेशीर अधिकारांबद्दल जागरूकता आणि माहिती प्रदान केली जाईल.
