मुंबई : (एजन्सी) 4 नोव्हेंबर : महाराष्ट्राच्या राजकारणातील सर्वात मोठी बातमी समोर आली आहे. राज्य निवडणूक आयोगातर्फे आज अत्यंत महत्त्वाची पत्रकार परिषद घेण्यात आली. या पत्रकार परिषदेला राज्य निवडणूक आयोगाचे आयुक्त दिनेश वाघमारे, सचिव सुरेश काकणे, उपसचिव सूर्य कृष्णमूर्ती, उपायुक्त राजेंद्र पाटील उपस्थित होते. यावेळी आयुक्त दिनेश वाघमारे यांनी राज्यातील 246 नगर परिषदा आणि 42 नगर पंचायतींचा कार्यक्रम जाहीर केला. या सर्व नगर परिषदा आणि नगर पंचायतींसाठी 2 डिसेंबर रोजी मतदान होणार आहे. दुसऱ्या दिवशी 3 डिसेंबर रोजी मतमोजणी होणार आहे. “आम्ही नगर परिषद आणि नगर पंचायतींसाठी प्रत्यक्ष कार्यक्रम जाहीर करत आहोत. उमेदवारी अर्ज भरण्याची प्रक्रिया 10 नोव्हेंबर 2025 पासून सुरू होईल. उमेदवारी अर्ज भरण्याची शेवटची तारीख 20 नोव्हेंबर 2025 आहे. अर्ज 18 नोव्हेंबर 2025. 2025 रोजी असतील. उमेदवारी अर्ज मागे घेण्याची अंतिम तारीख 25 नोव्हेंबर 2025 आहे,” निवडणूक आयुक्त म्हणाले. “निवडणूक चिन्हांचे वाटप आणि उमेदवारांची अंतिम यादी 26 डिसेंबर 2025 रोजी जाहीर केली जाईल. मतदानाचा दिवस 2 डिसेंबर 2025 रोजी होईल आणि मतमोजणी 3 डिसेंबर 2025 रोजी होईल. अधिकृत राजपत्रात निकाल जाहीर करण्याचा दिवस 10 डिसेंबरला असेल. ही महत्त्वाची माहिती निवडणूक आयुक्तांनी दिली. तुमच्याशी संपर्क साधण्यासाठी आणि तुमच्यामार्फत हा संदेश देण्यासाठी आयोजित केले आहे. ही पत्रकार परिषद केवळ नगरपरिषदा आणि नगरपंचायतीशी संबंधित आहे. राज्यातील 246 पात्र नगरपरिषदा आणि 42 नगरपंचायतींच्या सार्वत्रिक निवडणुका होणार आहेत. यामध्ये एकूण 86859 सदस्य आणि 288 अध्यक्षांची निवड होणार आहे. 246 नगरपरिषदांमध्ये 10 नवनिर्वाचित नगरपरिषदांचा समावेश आहे. 236 नगरपरिषदांची मुदत संपली आहे. राज्यात एकूण 147 नगरपंचायती आहेत. त्यापैकी 42 नगरपंचायतींच्या निवडणुका होत आहेत. त्यापैकी 15 नवनिर्वाचित आहेत. तर 27 नगरपंचायतींचा कार्यकाळ संपला आहे. उर्वरित 105 नगरपंचायतींची मुदत संपलेली नाही.
