मतचोरीविरोधात मुंबई युवक काँग्रेसची मेट्रो आणि लोकल ट्रेनमध्ये जनजागृती मोहीम
मुंबई : देशातील निवडणुका नि:पक्षपाती आणि पारदर्शक पद्धतीने पार पाडणे ही निवडणूक आयोगाची प्रमुख जबाबदारी असली तरी लोकशाहीच्या या महत्त्वाच्या स्तंभावर संशयाची छाया गडद होत आहे. भारतीय जनता पक्ष निवडणूक आयोगाच्या मदतीने मतांची चोरी करत असल्याचा खुलासा लोकसभेतील विरोधी पक्षनेते राहुल गांधी यांनी केला आहे. या पार्श्वभूमीवर मुंबई युवक काँग्रेसच्या अध्यक्षा झीनत शबरीन यांच्या नेतृत्वाखालील युवक काँग्रेसच्या पदाधिकाऱ्यांनी मुंबई मेट्रो आणि लोकल ट्रेनमध्ये माहिती पत्रिका वाटून मतदान चोरीविरोधात जनजागृती केली.
युवक काँग्रेसच्या अध्यक्षा झीनत शबरीन आणि त्यांच्या टीमने घाट कोपर ते साकी नाका आणि अंधेरी ते गोरेगाव असा मेट्रो आणि लोकल ट्रेनमध्ये प्रवास करून प्रवाशांशी थेट संवाद साधला आणि त्यांना निवडणूक प्रक्रियेतील कथित हेराफेरी आणि भाजप आणि निवडणूक आयोगाच्या भूमिकेबद्दल अवगत केले. माहितीपर पत्रकांचे वाटप करून मतदान चोरीच्या विविध पद्धती आणि त्याचे लोकशाही परिणाम यांची माहिती जनतेला देण्यात आली, तसेच देशाच्या लोकशाहीच्या रक्षणासाठी नागरिकांनी या मोहिमेत सक्रिय सहभाग घेण्याचे आवाहन केले.
झीनत शबरीन म्हणाल्या की, लोकसभेतील विरोधी पक्षनेते राहुल गांधी लोकशाही आणि संविधानाच्या रक्षणासाठी लढत आहेत. त्यांनी ठोस पुराव्यानिशी निवडणूक आयोगाचा भ्रष्टाचार उघड करून लोकशाही रचनेचा गळा घोटणाऱ्या घटकांची पोलखोल केली आहे. राहुल गांधींच्या या संघर्षात युवक काँग्रेस त्यांच्या पाठीशी पूर्ण ताकदीने उभी असून मतदान चोरीविरोधात जनजागृती करणे हे आपले कर्तव्य समजते.
एमपीसीसी उर्दू बातम्या 9 नोव्हेंबर 25.docx
