अमेरिकेचे राष्ट्राध्यक्ष डोनाल्ड ट्रम्प यांनी म्हटले आहे की ते इराणवर मर्यादित लष्करी हल्ल्याचा विचार करत आहेत. दुसरीकडे, इराणच्या परराष्ट्रमंत्र्यांचे म्हणणे आहे की तेहरान ‘संभाव्य कराराच्या मसुद्यावर’ काम करत आहे जो येत्या काही दिवसांत अमेरिकेला सुपूर्द केला जाईल.
शुक्रवारी व्हाईट हाऊसमध्ये पत्रकार परिषदेच्या शेवटी, एका पत्रकाराने ट्रम्प यांना विचारले, “तुम्ही इराणवर एका करारासाठी दबाव आणण्यासाठी मर्यादित प्रमाणात हल्ल्याचा विचार करत आहात का?” अध्यक्ष ट्रम्प म्हणाले, “मला वाटते की मी म्हणू शकतो की मी याबद्दल विचार करत आहे.”
यापूर्वी, वॉल स्ट्रीट जर्नलने वृत्त दिले होते की ट्रम्प इराणवर अणु कराराच्या अमेरिकेच्या अटी मान्य करण्यासाठी दबाव आणण्यासाठी “मर्यादित लष्करी हल्ला” करण्याच्या शक्यतेचा विचार करत आहेत.
वृत्तपत्राने म्हटले आहे की संभाव्य कारवाई मर्यादित प्रमाणात लष्करी किंवा सरकारी ठिकाणांना लक्ष्य करणे असेल. तेहरानने कराराचे पालन करण्यास नकार दिल्यास, नंतर इराण सरकारला उलथून टाकण्याच्या उद्देशाने हल्ले वाढवले जातील.
तथापि, वॉल स्ट्रीट जनरल म्हणाले की अध्यक्ष ट्रम्प यांनी अद्याप कोणत्याही स्ट्राइकवर अंतिम निर्णय घेतलेला नाही, परंतु ते इराणी सैन्य आणि सरकारी सुविधांना लक्ष्य करण्यासाठी अल्प-मुदतीच्या मोहिमेपासून मोठ्या मोहिमेपर्यंतच्या पर्यायांवर विचार करत आहेत.
दुसरीकडे, शुक्रवारी इराणचे परराष्ट्र मंत्री अब्बास अराघची यांनी सांगितले की इराण “संभाव्य कराराच्या मसुद्यावर” काम करत आहे आणि येत्या काही दिवसांत तो अमेरिकेचे विशेष दूत स्टीव्ह विटकॉफ यांच्याकडे सोपविला जाईल.
एकीकडे वॉशिंग्टन आणि तेहरान यांच्यात जिनिव्हामध्ये ही चर्चा सुरू असताना, अमेरिका इराणभोवती सातत्याने आपल्या सैन्याची तैनाती वाढवत आहे.
या तैनातीमध्ये जगातील सर्वात मोठी युद्धनौका यूएसएस गेराल्ड आर. फोर्डचाही समावेश आहे, जी हळूहळू या प्रदेशाकडे सरकताना दिसत आहे.
